Kliknij ikonę by wydrukować: Drukuj
poniedziałek, 20 lipiec 2015

Jako Spěchowanske towarstwo kulturneho města Zhorjelc-Zgorzelec z. t. (FVKS) chcemy Was na naše aktualne Fotowe Wubědźowanje „Po Puću“ skedźbnić. Wšako so poskićuje, so w lětnich měsacach na pytanje za motiwami k temje „industrija“ podać.

Fota móža so hač do 7. septembra 2015 zapodać. Wšitke informacije w hornjoserbšćinje (němčinje, pólšćinje, čěšćinje, jendźelšćinje) namakaće tu:

www.fotowewubedzowanje.fvks.eu (Hornjoserbski)
www.fotowettbewerb.fvks.eu (Deutsch)
www.konkursfotograficzny.fvks.eu (Polski)
www.fotografickasoutez.fvks.eu (Čeština)
www.photocontest.fvks.eu (English)

Fotowe wubědźowanje na facebooku: www.facebook.com/Fotowettbewerb.FVKS (Mix)

Nimo jednotliwcow móža so wězo tež organizacije wobdźělić.

WOBŠĚRNE INFORMACIJE

Mjezynarodne fotowe wubědźowanje „Po Puću“ 2015 k ćežišćowej temje „industrija“. Wobdźělenje hač do 7. septembra móžne

W swojim 7. přeběhu wěnuje so Fotowe Wubědźowanje „Po Puću“ k temje „industrija“ w Euroregionje Neisse-Nisa-Nysa (DE/PL/CZ) a w južnym Euroregionje Sprjewja-Nysa-Bobr (němski wokrjes Sprjewja-Nysa, pólskej wokrjesaj Nowa Sól, Wschowa, Żagań, Żary). Motiwy, na přikład k industrijowym stawiznam, industrijowym krajinam, k industrijowej kulturje a technice, so witaja: twarjenja, mašiny, panoramy a mnoho wjac.

Wobdźělić móža so fotowi enthuziasća wšěch starobow, mytuje so w kategorijach „dorosćeni (18+)“, „młodostni (< 18)“, „fotowa reportaža“ a „lubušk publikuma“. Zarjadowarjo wustajeja myta we wysokosći wjace hač 1.500 €. Fota maja so online uploadować.

Wšitke informacije a wobšěrne wuměnjenja k wobdźělenju namakaće na wjacerěčnej internetowej stronje k wubědźowanju pod www.fotowewubedzowanje.fvks.eu. Prěni króć njewupisuje towarstwo swoje wubědźowanje jenož němsce, ale tež w serbsce a čěsce. Nimo toho w pólšćinje a jendźelšćinje.

Tež lětsa zaso steji wubědźowanje pod patronatstwom krajneju radow Zhorjelca a Zgorzeleca Bernda Langi a Artura Bielińskeho. Partneraj stej jako spěchowarjej Měšćanski dom kultury Zgorzelec, Sächsische Zeitung a Załožba Nalutowarnje Hornja Łužica – Delnja Šleska.

Internetowe linki:
Fotowe wubědźowanje „Po Puću“: www.fotowewubedzowanje.fvks.eu
Na facebooku: www.facebook.com/Fotowettbewerb.FVKS
Lětak: http://fotowettbewerb.fvks.eu/files/2015/07/FVKS-UWE-FWB-Flyer_2015_V2-150615.pdf

++ Dalše zarjadowanja k wubědźowanju ++

Lětsa přewodźeja fotowe wubědźowanje prěni króć přidatne zarjadowanja.

18. julija, 14:00 hodź. – 17:30 hodź., prezentuje Dr. Hans-Dieter Engelmann wšelake techniki objektoweje a makroweje fotografije: Detailowe wobrazy a wobrazy z bliskosće žadaja sej wosebite nastajenje kamery a wólby motiwa. Na zakładźe mnohich praktiskich přikładow a zwučowanjow so tutón temowy wobłuk nazornje zdźěła. Něhdyši zastupowacy direktor Přirodowědneho muzeja Zhorjelca je hižo lětdźesatki we wobłuku fotografije aktiwny a dawa prawidłownje swoju wědu na seminarach dale. Přizjewjenja přijimuje FVKS telefonisce pod +49 (0)3581 767 83 31 abo přez e-mail Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript. . Prošu swójsku kameru sobu přinjesć!

Hišće hač do 15. awgusta prezentuje so w měšćanskej a Kyrkonošskej bibliotece Jelenia Góra (Pólska) pućowanska wustajeńca FVKS „Po Puću“ z wudźěłkami wobdźělnikow lońšeho wubědźowanja k temje „wuhlady“ (Jeleniogórskie Centrum Informacji i Edukacji Regionalnej – Książnica Karkonoska, ul. Bankowa 27, Jelenia Góra). Wot awgusta sćěhuja fotowe instalacije na dróhach a naměstach w Bolesławiecu (Pólska).

Hižo w meji wotměchu so k startej fotoweho wubědźowanja workshopy, fotowe pućowanja a wustajeńca w ramiku 1. Zhorjelskeho fotoweho festiwala (23.–25. meje, www.fotofestival-goerlitz.de). We wobłuku KUNSTPAUSE, wuměłskeho a hudźbneho festiwala za dźěći a młodostnych, prezentowaše FVKS 19. junija dwaj fotowej workshopaj w pólšćinje.

++ Pozadk: Fotowe Wubědźowanje FVKS „Po Puću“ ++

Wot lěta 2008 přewjeduje FVKS swoje Mjezynarodne Fotowe Wubědźowanje „Po Puću“ zhromadnje z partnerami – lětsa k sedmemu razej. W so měnjacych ćežišćowych temach – „Dróhi.Puće.Kolije“ (2008),  „Ludźo“ (2009),  „Architektura“ (2010),  „Jězby“ (2011),  „Wěže“ (2012/2013),  „Wuhlady“ (2014),  „Industrija“ (2015) – so region na mnohostronske wašnje prezentuje. Runočasnje přinošuje wubědźowanje dorozumjenju mjez ludami a skruća domizniske wědomje. Wustajeńcy, workshopy a dalše aktiwity přewodźeja wubědźowanje (www.fotowewubedzowanje.fvks.eu), kotrež so prawidłownje přez engažement wobydlerjow zmóžnja. Kónčina wubědźowanja stej Euroregion Nysa a južny Euroregion Sprjewja-Nysa-Bobr. W lěće 2015 startowaše fotowe wubědźowanje we wobłuku 1. Zhorjelskeho fotoweho festiwala, kotrež wotmě so swjatki (23.–25. meje) na wjacorych městnach města (www.fotofestival-goerlitz.de).